Astekaria

Atal honetan, IKT-en inguruko informazioa berritzen joango naiz. Astero gure saioetan ikusten dugunaren punturik garrantzitsuenak modu argian eta laburki eskaintzen saiatuko naiz.

2014/10/29

Lehenengo saio honetan, Web 2.0-ren inguruan aritu gara. Zeri deritzogu Web 2.0, Euskara 2.0, Web 1.0-ekin dituen desberdintasunak…

Internetek, gure bizitza eta komunikatzeko modua aldatu du. Lehen 1.0 erabiltzen genuen bertsio batetik, 2.0 batera pasatu gara. Programa eta aplikazioetan izugarrizko garapena gertatu da. Hasieran informazio iturria hutsa zena, orain jendartean parte-hartzea eta elkarlana ahalbidetzen eta sustatzen duen tresna bilakatu da. Edukiak modu azkar eta erraz batean sortzeko tresna. Horren adibide argia blogak dira.

Euskara 2.0 ere existitzen da. Euskarak, gure bizitzako esparru guztiak bete behar ditu eta teknologia berriak eta Internet beste kanal bat gehiago dira. Hori dela eta, teknologiak euskaratu behar ditugu, euskara teknologien bidez munduratzeko.

            Aldaketak geldiezinak dira eta aldaketa horiek kudeatu eta euskararen eta Euskal Herriaren etorkizun teknologikoa bermatzea gure esku dago.

Web 2.0 eta Web 1.0-ren arteko desberdintasunak:

WEB 1.0 -1993-2001	WEB 2.0 -2003-
Web orri asko bisitatzeko        ←←← ZERTARAKO?→→→    Eduki asko konpartitzeko
Irakurri                                            ←←← MODUA→→→         Idatzi denon artean
Orria                                     ←←←EDUKIEN UNITATEA→→→ Post, mezua, artikulua
Finkoa                                                ←←←EGOERA →→→       Dinamikoa
Nabegatzailea                    ←←←NOLA IKUSTEN DA?→→→   Nabegatzailea, RSS, tags
Bezeroa-zerbitzailea                       ←←←EGITURA→→→        Web zerbitzua
Webmaster                                      ←←←EDITOREA→→→       Denok
Geeks                                     ←←←PROTAGONISTAK→→→     Zaleak, denok alfabetizatu                                                                                                      digitalak

2014-11-05                 

         Gaurko saioan, Web 2.0 kontzeptuaren inguruan arituko garen azken eguna izan da. Klasekide bakoitzak, etxean bideo bat ikusi behar izan dugu, eta gaur, talde txikitan elkartu gara, batutako informazio guztia partekatzeko. Ondorengo galdera sortan, informazio guzti hori laburbiltzen da.

Zer da web 2.0? Zerk bereizten du? Ezaugarriak.

Web 2.0 zerbitzuen bigarren belaunaldia izendatzeko kontzeptua da. Zerbitzu hauek web estatiko batetik web dinamiko batera igaro dira; erabiltzailea pasibo izatetik parte-hartzaile izatera igaro da. Gure artean edukiak partekatzeko aukera ematen du. Gainera, HTML-tik XML-ra igaro gara, haien arteko desberdin nagusia zera izango litzateke; HTML-arekin kodigo eta ezagutza konkretu batzuk izan behar zenituen, aditua izan behar zinen aplikazioekin aritzeko. XLM-arekin aldiz, kodigo guzti horiek aurrez sartuta daude eta edonork web orri bat edo blog bat sortzeko aukera du. Ez zara ezertan aditua izan behar

Web 2.0ren ondorio orokorrak komunikazioan, gizartean eta hezkuntzan.

Munduko pertsona desberdinek partekatzen duten informazioari esker informazioa aberasten da, eta komunikazioa eta elkarrekintza sustatzen da. Informazioa biltzeko eta partekatzeko hainbat zerbitzu eta aplikazio daude, eta erabiltzaileok jakintza sare bat osatzen dugu, adibidez, Wikipedia. Hau da, informazioaren globalizazioa eman da.

Web 2.0 hezkuntzan: aplikazioak eta errekurtsoak. Ondorioak.

Sareak alderdi sozialak eta komunikatiboak ditu, elkarlana eta elkartrukea indartzen ditu eta hezkuntzak alderdi horiek lantzen dituenez gero, sareak eskaintzen dizkigun aukera guzti hauei etekina ez ateratzea ez litzateke zentzuzkoa izango. Gainera, eskolak errekurtsoak eskaini behar ditu beharrezkoak diren konpetentziak jorratzeko. Web 2.0 honek irakasteko beste modu bat eskaintzen du., baina hezkuntzan lan egiten duten irakasleek webaren inguruko etengabeko prestakuntza izan behar dute une oro ematen diren aldaketetara moldatzeko.

Hausnarketa.

Teknologiak gure bizitza izugarri aldatu du, aldatzen jarraituko du eta gu etengabeko formazioan aritu beharko gara.  IKTak eta horren barnean Web 2.0, gizartean, komunikazioan eta hezkuntzan eragin zuzena dauka, baina zein motatako onurak izan ditzake aldaketa honek?

Munduan gertatzen den edozein gertakizunaren berri izateko balio zaigu eta munduko edozein lekuko jendearekin harremanetan jartzeko eta komunikatzeko aukera ematen du.

Internet hezkuntzarako beharrezkoak diren tresna guztiak eskura jartzen ditu, eta irakaslearen papera gidariarena bihurtu da. Informazioa jada ez dago eskolan, baizik eta sarean.

Baina hala ere, pertsonen arteko komunikazio zuzena zaildu egiten da. Sareak, bizitzak eskaini ahal dizkigun gauza asko ez ditu eta ondo erabiliz gero oso aproposa izan arren teknologien erruz hainbat gauza galtzen ditugu.

Ariketa honekin bukatu dugunean, egin beharko dugun proiektua garatzeko taldeak osatu ditugu. Taldekide bakoitzaren eginbeharrekoak zehazteko, gida praktikoaren 5. puntua irakurtzen hasi gara. Bertan, taldeko funtzionamendua hobetzeko hausnarketa agertzen da eta guztien artean esperientzia desberdinak partekatu ditugu. Norberak bere burua ondo ezagutzearen garrantziaz aritu gara, gaitasunak eta argalguneak bereiztuz.  Ondoren, taldeko fitxa bete digu.

Bukatzeko, interneten informazioa bilatzeko moduei buruz hitz egin dugu. Eta horretaz gain, googlelek dituen aplikazio desberdinak ezagutu ditugu, besteak beste, alertak academic.

2014-11-19

Gaurko saioan ariketa ugari egin ditugu. Hasteko, identitate digitala zer den ikusi dugu. Horretarako, egin dugun lehenengo gauza ondorengo galderei erantzutea izan da:

- Zerrendatu erabiltzen dituzun aparailu elektronikoak (mugikorra, portalila, mahai gaineko ordenagailua, ebook)

Nire eguneroko bizitzan hainbat aparatu elektroniko erabiltzen ditut: mugikorra, portatila, ebooka. Tableta badaukat baina oso gutxitan erabiltzen dut.

- Zer erabiltzen duzu Internetera sartzeko? Telefono mugikorra, portatila...

Internetera sartzeko mugikorra eta portatila erabiltzen ditut.

- Zer egiten duzu Interneten? (Informazioa bilatu, lanak, eposta, erosketak, sare sozialak, argazkiak eta irudiak ...)

Internet, sare sozialetan sartzeko, informazioa bilatzeko, egunkaria ikusteko, eposta kontsultatzeko, taldeko lanak egiteko (drive, egela…)eta noizbait erosketak egiteko erabiltzen dut.

- Zenbat denbora ematen duzu egunean?

Ez zait interneten denbora asko egotea gustatzen baina klaseko gauzak egiteko, halabeharrez egunero ordu bat edo bi eman behar ditut.

- Zein aplikazio erabiltzen duzu?

Facebook, Whatsapp, Instagram, Youtube, Drive, Blog…

Guztion erantzunak partekatu ostean, adituen taldetan bildu gara bideo batzuk ikusteko. Ondoren, gure ohiko taldetara bueltatu gara bakoitzak ikusitakoa komentatzeko. Interneten gabiltzanean, askotan ez gara kontziente izaten geure burua zein ikusgai dagoen. Pantaila baten aurrean gaude eta ez gara konturatzen idatzitako guztia edornork ikusi dezakeela. Gainera, sarean egiten ditugun mugimenduen arabera edo ipinitako argazki edo iruzkinen arabera, identite bat sortzen gaude, identitate digitala, alegia.

                 

Taldean, ondorengo hausnarketa bat egin dugu:

Ikusi ditugun bideoak eta gure esperientzia kontuan hartuz, sare sozialak eta orokorrean hauek duten arriskuaz konturatu gara. Bertan, argazkiak jartzen ditugunean pentsatzen dugu soilik gure lagun minek ikusiko dituztela. Baina oso erratuta gaude, konturatu gabe pentsatzen dugun baino informazio gehiago eskaintzen dugulako.

Identitate digitala 3 puntu nagusi ditu. Bata parte pertsonala izango litzateke. Parte hau guk kontzienteki argitaratzen ditugun gauzak dira, hau da, gure izen-abizena, bizitokia, adina… Bestalde, bi parte sozial daude. Lehenengo parte sozialean, guk besteekin konpartitzen ditugun gauzak izango lirateke eta azkenik, bigarren parte sozialean, guk igotzen ditugun gauzak besteengan duen eragina eta hauek horrekin egin ahal duten gauzak dira. 

Sarean idazten dugunean, gure identitate digitala sortzen gaude. Ez diogu pantaila bateri soilik idazten, pantailaren beste aldean milaka pertsona daudelako. Horrez gain, igotako informazio guztia hodeian denbora luze batean geratzen da eta honek etorkizunean arazoak ekarri ditzake. Lan postu bat bilatzerako momentuan, gure perfila kontsultatu dezakete eta aurkitutakoaren arabera aurreiritzi bat sortu, batzuetan kaltetu ahal gaituen aurreiritzia.

Gaur egundo gizartean, IKTak erabiltzera behartuta gaude, baita irakaskuntza (Haur eta Lehen Hezkuntzan…) arloan ere. Baina, ez gara kontziente hauen erabileraz.  Hori dela eta, irakaskuntzan umeak txikitatik sareak orokorrean modu arduratsu batean erabiltzen ikastea lortu behar dugu. Gure inguruan aplikazio asko daude, halabeharrez erabili behar ditugunak eta hauek erabiltzen irakasten gaituen inork ez badago, arazoak eduki ditzakegu.

      Momentu batez identitate digitalaren gaia alde batera utzi eta blog-a lantzen jarraitu dugu. Gaur erlojua, egutegia, Creative Commons (bloga erabiltzeko baimena), Feed-a (beste orri batean publikatzen diren berriak geure blogean zuzenean ateratzeko), izenburuan argazki bat ipini… egin dugu.

Amaitzeko, blog-ak irakaskuntzan duten erabilera didaktikoari buruz hitz egin dugu. Kasu honetan, talde bakoitzak klase aurrean egiteko aurkezpen bat prestatu behar izan du. Irakasleak, aurkezpenak prestatzeko programa desberdinak erakutsi dizkigu, hala nola, Popplet. Hala ere, gure taldeak, eta gainontzeko guztiek, betiko Power Point- a erabiltzea erabaki dugu.

Azken minutuak, taldeko Site-ean sartzeko erabili ditugu. Hurrengo egunean, site-a sakonago lantzen hasiko gara.

2014/11/26

Gaurko klasean, IKTak hezkuntzan gaiaren inguruan aritu gara. Gaur egun, ezagutza nola eraikitzen den modua aldatu egin da. Gure eskoletan  IKTak ezartzen ari dira, eta horrek, metodologian aldaketa bat dakar. Guk aurkituko dugun eskola, ezagutzen genuenarekin alderatuz, zeharo desberdina izango da eta horretaz kontziente izan behar dugu.  Oinarrizko gaitasunak irakatsi behar ditugu, praktikoak direnak. Ikasten ikastea. Beraz, hau guztia, irakasleek bere rola aldatzea eta gaitasun berriak lantzea suposatzen du.

IKTak hezkuntzan txertatu nahi ditugunean, lortu nahi ditugun helburuak argi eduki behar ditugu, izan ere, helburu horien arabera ezarriko ditugu irizpideak. Horretarako, baliabideen ezaugarriak aztertzea garrantzitsua da, egokiak diren ikusteko. Erabiltzen ditugun tresnak metodologiarekin bat etorri behar dira, funtzio anitz baitituzte.

Esan bezaka, IKTak lantzeko, metodologia egokia erabili behar da, planteamendu berritzaileekin. Ezin dugu gelan puntako teknologia eduki eta liburu baten aurrean egongo bagina bezala irakatsi. Hezkuntza abiapuntua izanda, teknologiak integratzeko proiektua egingo dugu

Hala ere, IKTek berez, ez dute berrikuntza bultzatzen, berrikuntzak hausnarketa eta planifikazio prozesu bat eskatzen duelako. Edonolako berrikuntza, ez badugu hobetzeko helburuarekin egiten, ez da ona izango.

Laburbilduz, IKTak gizarteko arlo guztientan daude eta hezkuntzan sartzea beharrezkoa da. Izan ere, baliagarriak dira ikasteko bide eta ikasteko arloa bezala  ere. Baina argi izan behar dugu, teknologia berriak eskolan ezartzea ez duela ezertarako balio, metodologia aldatzen ez bada.

2014/12/03

Lauhilekoa amaitzear dago. Gaur azken-aurreko klasea da eta oraindik lan asko falta zaigu gure proiektua amaitzeko.

Etxean, gure proiekturako baliogarriak diren web orriak bilatu eta delicious-en eskegi behar izan ditugu. Link guzti horietatik, bat hautatu eta gidan agertzen den taula batekin, web orriaren ezaugarriak aztertu ditugu.

Gaur, taldekide guztiek hautatutako web orriak azaldu eta begiratu ostean, haietako bat aukeratu behar izan dugu klase aurrean aurkezteko. IKTak hezkuntzan informazio gehien erakusten duena aukeratu dugu eta momentu batean, aurkezpena prestatu eta klase aurrean azaldu dugu.

Ondoren, egoera berdefinitu behar izan dugu eta proiektuarekin jotake aritu gara, oraindik proiektua bideratzeko falta zitzaigun informazioa osatzen.

Hurrengo egunean aurkezpena egin behar dugu eta irakasleak denbora emango digu falta zaiguna amaitzeko.

2014/12/10

IKT-ren azkeneko klasea da gaurkoa. Denboraz nahiko larri genbiltzanez, eginbeharrak banatu ditugu, eta batzuek aurkezpena prestatzen zuten bitartean, beste batzuek site-a egiten zuten edo lan idatziarekin jarraitzen zuten. Oraingoan, aurkezpena egiteko guretzat berria zen programa egitea erabaki dugu, Glogster.

Proiektua amaitu dugunean, talde guztiek aurkezpena egin dugu. Oso proiektu interesgarriak aurkeztu dira. Guk aurkeztutakoa ere, proiektu polita eta bideragarria dela uste dut, hala ere, hain denbora gutxian egin behar izan dugunez, hobetzeko alderdi asko daudela esango nuke.

Ondoren, gure site-aren link-a uzten dizuet kontsultatu nahi izatekotan, hemendik bertatik egin ahal izateko.